何沛珈諱疾忌醫身體多毛病 梁超怡留意參選港姐質素
香港文匯報訊（記者 梁靜儀）何沛珈、梁超怡與莫樹錦醫生主持的節目《身體最誠實》，昨日於將軍澳電視城舉行記者會，有份主持的李佳芯因身在外地而缺席，而跟莫醫生相識多年的無綫總經理曾志偉亦有到場，但因要趕往開會未有接受訪問。
相隔十多年再次主持節目的莫醫生，對上一次主持節目已經是2009年，問到今次是否志偉親自邀他出山？他說：「同志偉哥識咗好多年，佢講到要幫手我就做，而且幕後團隊都係之前合作過的，所以合作得好順，我又邀請咗多位醫生朋友上節目為觀眾提供一啲健康資訊。」記者提議他可參加《中年好聲音》？他笑說：「耆英就得，絕對唔好害人害己，目前都係是以醫學工作為先，我仲有正職，喺大學教學生，完成記者會後就搭夜機去意大利。」
何沛珈與梁超怡表示主持節目後才發覺身體有很多毛病，特別是手機用得多，腰椎、頸椎都有問題。沛珈指拍攝《身》期間突然出現心悸，當時剛拍了兩晚通宵戲，都擔心是心臟病，幸好醫生指只是胃酸倒流。問到入行後是否身體更差？她說：「咁又唔會，反而做護士時身體仲差，因為以前都要捱，又諱疾忌醫，?家反而多做運動同埋飲食清淡。」
超怡笑言因愛在家中S形姿勢攤在梳化睇電視，令到腰椎出現問題，還有以前身體一向都幾好，但返港後就有皮膚同鼻敏感問題，現時慢慢好轉。快將卸任港姐的她，表示已決定留港發展。提及新一年港姐，她覺得今年佳麗身材相當高挑。何沛珈就表示有位身形高挑的參選佳麗，對方是其師姐。
