TVB下半年 節目晒冷吸客 近百藝員助威 兩劇連播 張振朗劉穎鏇孭重飛
香港文匯報訊（記者 梁靜儀、子棠 攝影涂穴）《2023 TVB 年中節目巡禮》昨日於灣仔會展舉行，TVB近百位藝員盛裝出席，向廣告客戶推介下半年精彩節目，吸引近600名廣告客戶出席。
昨日出席的藝員有陳豪、陳展鵬、馬國明、譚俊彥、張振朗、蕭正楠、 胡定欣、蔡思貝、劉穎鏇、陳曉華、龔嘉欣、劉佩玥、江美儀、王敏奕、何依婷、張曦雯、郭柏妍、張寶兒、袁偉豪、何廣沛、陳家樂、周嘉洛、朱敏瀚、王灝兒（ JW）、賴慰玲、洪永城、吳業坤、吳若希、蔡潔、呂慧儀、林淑敏、許家傑、張景淳、肥媽、 李家鼎、游嘉欣、鄺潔盈、車婉婉、麥玲玲、周吉佩、李佳及吳大強等。而大會司儀由區永權、林溥來、朱凱婷及陳庭欣擔任。
現場除播出下半年8部「皇牌劇集」的精彩片段，當中包括《破毒強人》、《異空感應》、《奪命提示》、《靈戲逼人》、《羅密歐與祝英台》、《香港人在北京》、《旁觀者》及《新聞女王》；而綜藝方面則有《貝遊歐洲》、《歐洲鐵騎遊》、《約埋班Friend去旅行》、《尋找世界另一個我》、《森度遊》、《北上搵食團》、《日本限定Super遊》、《日本18種住法》、《國際中華小姐競選2023》、《香港重案》、《肥媽李鼎2》、《煮東煮西》、《中年好聲音2》、《投資Let's Goal》及《101次求職》外，陳展鵬、吳業坤、吳若希、《聲夢》及《中年好聲音》歌手亦分別獻唱歌曲。
陳豪夫妻拍親熱戲冇尷尬
陳豪（Moses）下半年將有兩套劇集播出，分別是與胡定欣合演的《破毒強人》，以及與太太陳茵媺（Aimee）夫妻檔上陣的《羅密歐與祝英台》，在介紹劇集《羅密歐》時，有份演出的江美儀就大爆與Aimee拍劇時是真親，陳豪即尷尬笑言：「冇舌頭，冇舌頭！」事後他接受訪問，直言與太太拍親熱戲會比較自然和舒服。笑問到可會太投入而親不停？他笑說：「大家諗太多，因拍戲對住嘅Aimee，同平時喺屋企嗰個Amiee係唔同，只係角色，所以會多一份隔膜，不過兩公婆拍親熱戲就唔會尷尬，同其他女藝人拍好唔同，少咗份幻想，但多咗份真實。」旁邊的定欣笑言跟Moses拍過不少親吻戲，她就是尷尬的表現。Moses又指原本兩人在《破》劇中有親吻戲，但他自覺劇中患癌就死的造型太核突，於是提出刪除這場戲，定欣才避過一劫。
節目添食蔡思貝望搭機升呢
下半年同樣有兩套劇播出的，還有張振朗與劉穎鏇（Tiffany），湊巧《奪命提示》及《靈戲逼人》兩人都有份演出。笑指無綫下半年靠他們孭飛，振朗就謙稱多謝公司畀機會:「好耐無試過下半年連續有兩齣劇播出，冇壓力，好隨緣，喺《奪》劇好開心可以同TVB最好打嘅Tiffany合作，佢仲親身上陣冇用替身。」說到他有望攞視帝，加上Tiffany合作的男演員都得視帝？振朗笑說：「監製文偉鴻係視帝后收割機，今次演的角色同以往唔同，希望觀眾有新鮮感，獎項再算，可能因年頭撞親頭，之後行好運。」除了劇集，振朗還會拍綜藝節目，分別與袁偉豪去歐洲拍《歐洲鐵騎遊》及與賴慰玲去澳洲拍《約埋班Friend去旅行》。
蔡思貝主持的旅遊節目《貝遊英倫》播出後收視及口碑理想，獲添食9集，將會遠赴英國及意大利9個城市拍攝新一輯《貝遊歐洲》。昨日思貝以大露背及大髀開窿裝性感現身，問到是否盛裝吸客？她笑說：「如果有贊助就唔使坐經濟艙。」問到今輯節目中可會有水着福利派？她說：「呢個唔係我啲範疇。（唔想刺激觀眾眼球？）如果有水上活動就盡啦，但講到刺激就要視乎水上活動夠唔夠刺激。」思貝透露年底會開拍新劇，亦已開始籌備中。
