洪永城等足18年 終踏足亞馬遜雨林
香港文匯報訊（記者 梁靜儀）洪永城（Tony）帶領兩名J2er胡美貽（Nicole）及布樂文（JB）擔任主持的旅遊節目《阿媽唔信我去亞馬遜》，本周他們將正式進入亞馬遜熱帶雨林尋幽探秘。
攝製隊在兩名配備了刀的導遊兼保安陪同下進入雨林區，Tony透露亞馬遜叢林其實危機重重：「有豹啦、小鱷魚，同埋好多有危險性嘅野生動物，所以要有槍同刀傍身，同埋要有保安保護住先可以行入去，亦唔可以亂摸嘢。」Tony續指是次拍攝其實困難重重，單是雨就下個不停，但也是值得，皆因走訪亞馬遜是他等了足足18年的夢︰「當年入行，第一個諗住做但做唔成嘅旅遊節目，就係亞馬遜。嗰時嘅構想係我着住皮褸、孭住背囊、攞住火把尋找古代文明之源，順便尋寶，呢件事冇準備一世都預備咗大半世。」
Tony是次行程可謂大開眼界，沿途除見識到巨型蜘蛛及蜘蛛網、有毒牛蛙及比人更高的樹木板根，還有大量螞蟻窩。Tony續指導遊更向他們傳授了大量「叢林智慧」：「有一種螞蟻搓碎之後可以做驅蚊劑，同埋如果冇起水上嚟，有啲樹嘅樹根係可以攞水嚟飲，但係要靠一樣嘢去辨識。」Tony又預告會與JB齊齊跳入亞馬遜河，作終極自我挑戰。
