薛家燕1967年出國片段曝光 獲數百粉絲送機勁墟冚
香港文匯報訊（記者 梁靜儀）無綫節目《馬時亨 香港情》前晚播出的第二集，請來薛家燕和黎耀祥（祥哥）擔任嘉賓，1979年為地鐵通車拍攝廣告的家燕姐，酬勞是3,000港元，就連主持馬時亨與祥哥都驚嘆家燕姐酬勞豐厚。 節目中二人與主持馬時亨暢談昔日與「交通」有關趣事，以自身經歷見證香港交通史變遷，並大讚香港交通發展一日千里。
八歲開始童星生涯的家燕姐，談到關於交通的趣聞已俯拾皆是，家燕姐透露陳寶珠是當年「七公主」中坐得最多「嘩啦嘩啦」的成員：「當時應已有渡海小輪，但去到半夜就冇得搭，咁就要坐「嘩啦嘩啦」過海。嗰時寶珠姐住香港，我哋片場好多喺九龍，所以收工只要一過咗十二點，佢就要趕去搭「嘩啦嘩啦」，佢仲話：『好似三蚊定唔知五蚊一個人』」，馬時亨聞言即大嘆「好貴」。
家燕姐又指當年就算身穿盛裝，仍會選擇坐渡海小輪過海，並笑言是等閒事：「嗰時每年有個叫『十大明星』嘅頒獎典禮，我哋個個就着晒盛裝坐小輪過去大會堂度攞獎，好多影迷跟住。」家燕姐透露當年很享受看海，但切忌拿出相機拍照，否則場面一發不可收拾：「嗰時有少少名氣啦，你出嚟一影相哩，就成段路程都係咁影相㗎喇。」
談到昔日墟冚場面，家燕姐笑言最難忘是坐飛機出國：「嗰個年代唔係咁多人有飛機坐，嗰時出外登台真係有幾百個fans送機，仲拍埋新聞片，上埋架飛機揮手講bye bye，你話幾巴閉。」家燕姐還向製作組提供了自己1967年坐飛機出國盛況的片段，有大批粉絲送機。
