彭澤英獲讚靚聲似呂方 「升呢」奪《中年好聲音》5燈
香港文匯報訊（記者 梁靜儀）無綫節目《中年好聲音》前晚一集繼續進行第二部曲《挑戰！兩個只能活一個》，是集共有19名選手出場，當中有4位選手奪得5盞燈，包括曹敏寶（Bobo）、支嚳儀（Venus）、鮑聖光及彭澤英。上回合5燈選手鮑聖光今次自彈自唱《Fly Me To The Moon》，再次憑住靚聲俘虜評審團芳心獲得5盞燈。
上回合同樣是5燈選手的Venus，被獲得3盞燈的曾蜜詩以「輸都要輸得開開心心」為理由點名上台PK，結果樣子甜美的Venus以英文歌《Mercy》再次獲得5盞燈，獻唱時更扭身扭勢狀甚風騷，獲肥媽大讚充滿感染力：「佢令我好Enjoy！」
今回合另外兩位五燈選手則為「升呢」種子，分別是彭澤英及Bobo，二人齊齊由四燈種子變成五燈種子，似乎愈戰愈勇。獻唱《認錯》的彭澤英，獲張佳添直指刮目相看：「你把聲幾乎有呂方咁靚，揀啱歌真係好重要，呢首歌個Range好啱你。」
至於獻唱《氧氣》的Bobo，同樣獲張佳添大讚：「你個氣息做得好唔錯，呼吸、氣息係成首歌嘅命脈，氣息靚共鳴就會靚，加埋感情好好，5盞燈係值嘅。」
是集亦有出現爆冷賽果，上回合兩名5燈選手何博文及周吉佩竟先後被淘汰。上回宣傳提及周吉佩因錯揀實力者「小龍女」龍婷，以致意外被淘汰。至於何博文則因獻唱《花火》時用錯Tone，錯失晉級機會。
