陳瀅自爆激嬲導演 恐無緣拍續集
偕張馳豪合唱插曲 不會轉做歌手
香港文匯報訊（記者 梁靜儀）陳瀅、方力申（小方）、蔣家旻、劉佩玥（Moon）、林盛斌（Bob）及陳山聰等，昨日到觀塘出席無綫台慶劇《美麗戰埸》宣傳活動，身穿吊帶低胸開叉短裙現身的陳瀅，上台時步步為營，不時用手揞住開叉位。活動上她又與劇中男友張馳豪（Aska）合唱劇集插曲，被阿Bob指她可以參加《中年好聲音》。陳瀅又笑指激嬲了導演，恐無緣拍續集再演鍾家寶。
獲封全劇最好睇CP的阿Bob及阿Moon，玩煮即食麵遊戲時，阿Bob更親手餵阿Moon食麵，而小方就餵女Fans食麵，而Aska的粉絲就掛住自拍，監製兼導演葉念琛見狀忍不住上前幫手揸機拍照，再同女粉絲合照。劇集進入結局周，葉念琛被追問到結局是否Happy Ending時，就大賣關子說：「打死都唔會講。」
會後陳瀅與小方一齊接受訪問，陳瀅表示之前因Aska身體不適而取消表演，但臨場又安排他們合唱劇集插曲，而之前只練過一兩次歌，不過劇集播完，應該沒機會再一齊唱首歌。說到阿Bob指她可以參加《中年好聲音》？她即說：「當然唔會，從來冇諗過做歌手，都係專心演戲。」小方就稱不知有這首歌，所以沒自薦同陳瀅合唱，相信將來有機會。
日前33歲生日的陳瀅，獲好友JW（王灝兒）、朱敏瀚和羅天宇等為她慶祝，壽星女穿上性感紅色吊帶低胸裙現身，她笑指當晚JW所訂的餐廳有現場樂隊演奏，令她誤會要穿得隆重，豈料同場人士個個穿牛仔褲，幸好後來王敏奕都是穿裙赴會。問到小方有何表示？他說：「之前喺Bob屋企慶祝咗，送咗蛋糕同花。（沒有禮物？）花已經係禮物。」陳瀅說：「佢送啲蛋糕好食、啲花好靚，都收貨，佢唔係真係龐振宇（劇中富二代角色）。」問到劇集會否開拍第二季？陳瀅笑稱自己激嬲了導演，恐怕第二季不會有「鍾家寶」出現。談到《美》劇與ViuTV的新劇《季前賽》對撼，陳瀅坦言並不擔心：「?家睇劇潮流係兩邊都會睇，呢套劇都儲咗一班粉絲，我噚（前）晚都有睇《季》劇第一集，成班演員都好青春，雖然我未清楚角色，但覺得肥仔都好Cute。」
小方日前為陳曉東演唱會擔任嘉賓，並自爆拍《百分百感覺》時鍾意周勵淇，小方指出之前已講過，但大家沒有印象，又稱20年前拍戲經驗少，才會容易日久生情。問到當時可有向周勵淇表白？他說：「冇表白，但公司同事覺得我收工後又唔肯走好奇怪，之後每日都逼我走，咁就潑熄咗我團火。（今次同陳瀅拍劇，有冇被同事逼走？）入唔到位，因為太多人搵唔到機會。」
爆喊現青筋受讚賞
另外，前晚一集，鍾家寶的唯一親人嫲嫲（程可為飾）病重離世，陳瀅的哭崩場口更青筋都現，獲網民讚演得非常出色兼自然。陳瀅透露由於要配合情緒，該場一Take完成，又謂能夠順利完成，全靠嫲嫲程可為、好姊妹劉佩玥及陳曉華幫忙：「可為姐好容易令我相信佢係我嫲嫲，佢都係感情好豐富嘅演員，絕對幫到我投入，我哋拍完都攬住大家，大家真係痛住去做呢場戲，我哋唔係演緊戲，係真係感受到個氣氛。」
而丁子朗飾演的渣男裕進，前晚以勁爆乞丐Look回歸，據知他每次需花兩小時化乞丐妝，由於與真人反差太大，就連其昔日拍檔江欣燕及劉穎鏇在電視城亦認不出他。
