黃淑儀親煮道具飯 韓馬利大讚好味道
香港文匯報訊（記者 梁靜儀）黃淑儀（GiGi姐）與韓馬利（Mary姐）昨日為港台劇集《獅子山下：紅花樹下》宣傳，劇中二人跟另一女主角李影飾演金蘭姊妹，不過因為中間發生小誤會，以致未能三人一齊出席宣傳。
GiGi表示因大家誤會了李影仍在溫哥華，不知道她已返港，於是臨時致電她出席宣傳活動，但她表示太攰未能出席。兩人又稱和李影在麗的電視已認識，但三人合作拍劇則是首次，Mary姐指自己在訓練班跳舞時，GiGi姐已經是女主角。二人相識近40年，但平日私下卻極少相約打牌及逛街，反而多靠短訊聯繫，Mary姐說：「?家WhatsApp好方便，我哋成日WhatsApp，GiGi姐成日會Send啲孫仔片畀我，佢個孫好得意。」
說到《紅》劇只得兩集，兩人都嫌未能過足戲癮，希望監製再添食。Mary姐笑指因同GiGi姐合作有很多美食：「連道具飯都係GiGi姐煮，未食過咁好食嘅道具飯，嗰味欖角菜甫送飯好好味。」GiGi姐則謙稱說導演的廚藝比她更叻：「佢嗰味獅子頭好好食，仲研究幾個版本， 最靚嗰啲先用嚟拍攝。」
剛完成4場舞台劇的GIGi姐又透露，明年3月再重演，另外又要忙自己的烹飪頻道，而Mary姐就忙拍無綫劇《羅蜜歐與祝英台》，她說：「拍得好開心，好多演員，但唔怕疫情，因為公司好嚴謹，開工前要做快測至可以入到錄影廠。」
