將轉行不做影視工作 陳百祥要尋人生第二個目標
香港文匯報訊（記者 梁靜儀）陳百祥（叻哥）昨日以《全港智叻星》嘉賓主持身份，到電視城為遊戲節目《答得快 好世界》錄影，並宣布本月20日在仁愛堂的慈善騷，將會是他最後一次獻唱， 之後不會再做電視節目主持，亦不會再拍電影。叻哥透露會轉行做一些未曾接觸過的工作，找尋人生第二個目標。
昨日叻哥聯同彭健新、連詩雅（Shiga）、鄭融、范振峰、肥媽、陸浩明、李麗霞（黑妹）及徐文浩錄影由張秀文及鄭衍峰主持的節目《答得快 好世界》。
叻哥受訪時突宣布不會再參與電視、節目主持及電影工作，並笑說：「我唔係27歲 ，係72歲， 我同譚詠麟同年冇得呃。」他又指今次做完結篇，是一個好好的終結：「《運財智叻星》1995、1996年推出時，平均收視有30幾點、最高收視更有40點，等咗廿幾年都冇人打破紀錄，之後曾志偉就又返嚟做《奬門人》，呢個係我一生中最有滿足感嘅節目，係一個好好嘅終結，好完美嘅回憶。」他又稱因有版權的關係，故今次要改名做《全港智叻星》。
揚言要找尋人生第二個目標的叻哥，透露會轉行做一些未曾接觸過的工作，問到是否在馬圈發展？他說：「練馬師我都做過，同馬圈無關，未來會做新項目。（返大灣區創業？）係全中國、全世界有華人嘅地方都會做，成功咗至同大家講。」問到是否轉去跳舞及唱歌？他笑說：「係啲人話我跳舞叻過郭富城， 我覺得連佢十分一都冇，我唔係靠跳舞唱歌搵食，我係靠個腦搵食。」笑問到是否開老人院？他不排除這個可能性：「因為我都未做過，石天都係退咗休之後開老人院。」
當被追問到是否息影時，他就稱若有人邀請做嘉賓，都可能會亮相。而他今個月20日會為仁愛堂的慈善騷獻唱，這是他最後一次演出無綫騷。
連詩雅稱今年或未能完婚
同場的Shiga早前與女性好友開泳池派對慶生，穿上比基尼的她被讚身材弗爆，她笑說：「希望留倩影，一向都有操練，年紀愈大愈難Keep。（未婚夫陳家樂有冇讚你？）佢話我好瘦，但我一向以健康為先。（太瘦唔好攬？）我覺得OK，現在佢唔喺香港。（隔住個屏幕攬攬？）可以試吓。（視像時有冇隔住屏幕 Kiss？）冇呀！佢都忙，傾偈係講近況。」
談到婚禮籌備進展？Shiga表示今年內未必能成事：「 因為疫情反覆同埋好難夾日子 ，所以好難plan。（去外地結婚會否較易計劃？）仲難，因為要隔離，朋友又要請假。」她又表示目前還未影結婚相，至於婚紗亦未揀，因嫌自己未夠fit，要再健身先，故此十劃都未有一撇。
Shiga又透露家樂預計9月回港，打算待對方回港才一起去睇他有份演出的電影《神探大戰》。
