田啟文憑小聰明贏得演出機會
香港文匯報訊（記者 李思穎）新城為慶祝電影資料館成立20周年，特地推出由薛家燕及思敏主持的特輯《光影夢工場》，邀請不同的電影人分享拍攝的難忘事。最新一集嘉賓田啟文（田雞）18歲做臨時演員入行，熱愛做戲的田雞，回想起入行時跟家人反面。
他表示︰「我自小鍾意娛樂圈，但老竇指我唔啱做，因為我樣衰，又唔高，又無學歷，又無受過專業訓練，仲要無後台，當時老竇唔想我入行，自己唔忿氣，唔想未做就被人睇死，所以提議試做2年，若然不成功就放棄，最終同屋企人談不攏，不歡而散，我就一意孤行走去做臨時演員。」
田雞憑着一腔熱誠與小聰明去當臨記，他還記得當時臨記日薪是30元，腦筋急轉彎的他為了增加工作機會想出「妙法」，遇着無對白便會避開鏡頭：「因為同一套戲唔可以演兩個臨記角色，所以我無對白嗰陣就避開鏡頭，第二日我就可以話之前無我份，可以再拍多日。」
拍星爺戲好考即場反應
田雞又提到拍攝周星馳電影《喜劇之王》都有幫手搵演員，談到跟星爺拍戲，好需要考即場反應，家燕姐都有感而發謂︰「當年拍《食神》，星爺叫我跳舞，但現場無音樂，星爺用筷子敲個杯當音樂，我就不停自己跳，跳完先知原來已經拍咗。」跟星爺合作過的人都知道，就算第二日開拍，前一日都不會有劇本，田雞說︰「星爺係現場一路諗一路拍，想有好自然嘅反應。記得當年拍《少林足球》，趙薇因為無劇本而癲咗，仲話拍咗頭七日唔知做咗乜，拍到第七日後終於明白發生緊乜嘢事。」
