姜皓文自爆曾趕監製出廠
香港文匯報訊（記者 梁靜儀）崔建邦與張秀文主持的無綫訪談節目《諸朋好友》，首集邀得姜皓文（黑仔）擔任嘉賓，分享當年在亞視的心路歷程，黑仔自爆曾趕監製出錄影廠。
1986年參加電視先生入行的黑仔，自爆當年在娘家拍劇，曾試過被導演開咪鬧他演技不濟似在做趣劇。年少氣盛的黑仔又指有段時間得罪人多：「我試過做緊節目，趕咗個監製出廠，因為個監製唔喺嗰個節目，佢又喺度口噏噏，我就話：『你好騷擾我，可唔可以出廠先？』」
雖然得罪很多人，但黑仔在圈中都有知心友，於2005年與萬梓良（萬子）成為師徒，而萬子第一個徒弟是周星馳，第二個徒弟是林家棟，他是第三個，黑仔透露與萬子哥的淵源是在一個宴會認識，大家一見如故：「 嗰段時間我冇太多戲拍，嗰段時間我做緊私房菜，萬子哥每次返香港都嚟餐廳捧我場，同埋會搵我食飯，又介紹我畀啲製作單位認識，有一次帶我去新加坡登台，佢突然喺台上話畀大家知我就係佢徒弟，又買咗條手鏈畀我。」他最記得有一次萬子哥半夜三更致電一位相熟監製，叫對方起用他。
談到遺憾事，黑仔表示小時因患有哮喘要入院，未能送婆婆上山最後一程，他指自小就由婆婆照顧，是最痛錫他，視他如寶貝的的人，他最痛的是在老人院見婆婆最後一面，因婆婆患有腦退化認不到他，隔了一段時間婆婆就過身。
